Kategori

PANGJAJAP

Dulur-dulur nu di lalembur baraya nu di karota,  sampurasun kumaha daramang?

Alhamdulillah kalayan rohmat Alloh Nu Maha Agung, urang sadaya masih dipasihan sêhat, berekah, salamet sarta karaharjaan. Kersaning Alloh Nu Maha Kawasa, hayu urang tepang rasa, tepang basa, sareng kanca mitra sadaya, margi tepang raray mah upama teu maksakeun sesah pisan patepangna.

Langkung ti payun seja sanduk-sanduk, mugia agung cukup lumur, jembar hapunten anu kasuhun sim kuring tos kumawantun ngadamel wêb makê ngaran kisunda. Sok padahal, Basa Sunda nu biasa dikocapkeun sadidinten têh tebih tina undak-unduk basa nu merenah. Hamo pisan kana widang sastrana mah, asa careuh jungjul bulan, seueur ngembang kaduna.

Tapi sakalih ti êta, hatur nuhun ka sadayana, sim kuring ngadamel ieu wêb dina raraga diajar deui Basa Sunda pikeun ngamumulê basa jeung budayana sangkan henteu cul dogdog tingal igel tina kabudayaan pituin Sunda. Wêb ieu maksadna êtang-êtang nampung informasi, mangrupi; bêwara, pangajaran, pangjejer, panalungtikan ati, matêri ngaji jeung rêa-rêa deui. Sakalih ti êta, poto, bobodoran, naon baê carita jaman baheula, atanapi seja ngawanohkeun budaya Sunda ka lingkungan nu langkung lega, da ari Wêb mah tiasa diaksês di mana baê, sareng ku saha baê di tatar Indonêsia atanapi mancanagara.

Mugia ku ayana ieu wêb tiasa nyambungkeun  dulur salembur baraya nu di kota nu tebih ti panineungan.

Kanca sadaya hayu urang ramêkeun ieu wêb ku mangrupi-rupi carita bodor, gambar,  atanapi poto panineungan,  sareng sajabina. Etang-êtang kolêksi pustaka, dongêngkeuneun ka putra-putu urang sadaya.

Pedaran jeung sajabina tiasa dikintun ngalangkungan alamat email: kangyosep@yahoo.co.id

Photo Gallery

bebas bayar, pembayaran mudah dan cepat, transaksi online, pembayaran tagihan dan tiket, transfer dana online
Kategori
Direka ku Gabfire themes