Kategori

Shaum Nu Hampa (1)

Ibadah shaum nu dilaksanakeun ku tiap jalma mu’min, boh dina saban bulan Romadhon atawa dina bulan-bulan sêjênna ku mangrupa shaum qodho jeung shaum sunnat, teu welêh aya gogodana. Sajaba tina gogoda lahiriyah ku perkara-perkara nu bisa ngabatalkeunnana, aya ogê gogoda nu mangrupa ma’nawiyah nyaêta ngahampakeun ganjarannana.

Sababaraha riwayat hadis nguningakeun ieu kanyataan, di antarana nyaêta hadis nu kaunggel di handap ieu:

رُبَّ صَائِمٍ لَيْسَ لَهُ مِنْ صِيَامِهِ إِلَّا الْجُوعُ وَالْعَطَشُ

“Kacida lobana jalma nu shaum, teu aya pikeun manêhna [ganjaran] tina shaumna kajaba rasa lapar jeung rasa dahaga”. (Musnad as-Syihab al-Qudho’i)

Riwayat hadis di luhur, mun ditalungtik ti mana waê jalur nu ngariwayatkeunnana, sakumaha katerangan sanad di handap ieu:

أَخْبَرَنَا قَاضِي الْقُضَاةِ أَبُو الْعَبَّاسِ أَحْمَدُ بْنُ مُحَمَّدِ بْنِ عَبْدِ اللَّهِ السَّعْدِيُّ وَأَبُو عَبْدِ اللَّهِ مُحَمَّدُ بْنُ جَعْفَرِ بْنِ مُحَمَّدٍ الْبَغْدَادِيُّ قَالَا: ثنا أَبُو أَحْمَدَ بْنُ عَبْدِ اللَّهِ بْنِ مُحَمَّدِ بْنِ الْمُفَسِّرِ :أبنا أَحْمَدُ بْنُ عَلِيِّ بْنِ سَعِيدٍ الْقَاضِي الْمَرْوَزِيُّ :ثنا يَحْيَى بْنُ مَعِينٍ، ثنا يَزِيدُ بْنُ عَبْدِ رَبِّهِ :ثنا بَقِيَّةُ :عَنْ مُعَاوِيَةَ بْنِ يَحْيَى الْأَطْرَابُلْسِيُّ :عَنْ مُوسَى بْنِ عُقْبَةَ :عَنْ نَافِعٍ :عَنِ ابْنِ عُمَرَ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ

Kacindekannana; Ieu riwayat têh katarima ku Imam al-Qudho’i ti Abu al-‘Abbas Ahmad bin Muhammad bin Abdulloh as-Sa’di jeung ti Abu Abdillah Muhammad bin Ja’far bin Muhammad al-Baghdadi. Dua guru ieu nampi riwayatna ti Abu Ahmad bin Abdillah bin Muhammad bin al-Mufassir. Abu Ahmad nampi ti Ahmad bin Ali bin Sa’id al-Marwazi. Ahmad nampi ti Yahya bin Ma’in. Yahya nampi ti Yazid bin ‘Abdi Robbih. Yazid nampi ti Baqiyyah. Baqiyyah nampi ti Mu’awiyah bin Yahya al-Athrobulsi. Mu’awiyah nampi ti Musa bin ‘Uqbah. Musa nampi ti Nafi’. Nafi’ nampi ti Ibnu Umar. Ibnu Umar nampi katerangan ieu ti Rosululloh shollallohu ‘alaihi wa sallam.

Dikirim ku dina 25 Jul 2014. Dina rohangan HADITS. Salira tiasa ngiring ngarespon kana ieu seratan dina wadah RSS 2.0. Salira tiasa nyimpen tanggapan kana ieu seratan

Tulis Tanggapan

Photo Gallery

bebas bayar, pembayaran mudah dan cepat, transaksi online, pembayaran tagihan dan tiket, transfer dana online
Kategori
Direka ku Gabfire themes