Kategori

Syahadatain; Panganteur Lampah

أَشْهَدُ أَنْ لَا إِلهَ إِلَّا اللَّهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ

“Abdi nyakséni, yén teu aya deui Pangéran nu wajib diibadahan anging Alloh, jeung abdi nyakséni saéstuna Muhammad téh hamba-Na jeung Rosul-Na ”
Dua panyaksén nu jadi tihang jeung pondasi diri satiap muslim, gampil diucapkeun mahal lumampahna. Panyaksén tauhid ka Alloh taya hartina lamun teu bukti dina lampah kahirupan. Hirup dina kamusyrikan, padahal tos kedal lisan kana katauhidan, temen geus nyampur-adukkeun dua perkara nu papalingpang.
Nya kitu deui, panyaksén satiap muslim kana risalah Nabi (Muhammad shollallohu ‘alaihi wa sallam) moal mawa manfaat mun teu aya bukti. Taya hartina jadi saksi mun diri teu ngaku jeung teu turut kana conto ti Rosul waktu jumenengna.
Pangakuan yén Muhammad téh Rosul atawa utusan Alloh ngandung harti percaya kana naon rupa nu dipida¬wuh¬-na jeung lalampahan hirupna. Mun geus percaya yén eusi pidawuhna sarta lalampahan hirupna mawa kana kabagjaan di dunya tur di ahérat, asa piraku lamun teu digugu. Kasebut jalma naon anu nyaho jalan salamet tapi milih jalan cilaka?
Ibarat kolot nu boga pangharepan anakna jadi anak anu hadé tur soléh, tapi teu ngajurung kana kahadéan jeung ka-soléhan. Kolot naon ngaranna?
Dawuhan Alloh Ta’ala dina ayat-Na,

لَقَدْ كَانَ لَكُمْ فِى رَسُوْلِ اللَّهِ أُسْوَةٌ حَسَنَةٌ لِّمَنْ كَانَ يَرْجُو اللَّهَ وَالْيَوْمَ الْآخِـرَ

“Temen geus aya dina diri Rosululloh suri toladan anu hadé pikeun saha waé jalmana anu miharep rido Alloh jeung (salamet dina) poé ahérat”. (QS al-Anbiya: 21)

Dikirim ku dina 29 Apr 2014. Dina rohangan MATERI TA'LIM. Salira tiasa ngiring ngarespon kana ieu seratan dina wadah RSS 2.0. Salira tiasa nyimpen tanggapan kana ieu seratan

Tulis Tanggapan

Photo Gallery

bebas bayar, pembayaran mudah dan cepat, transaksi online, pembayaran tagihan dan tiket, transfer dana online
Kategori
Direka ku Gabfire themes